Transcription
1
Monseigneur, hyer environ les huict heures du matin, nous
2
receusmes par monsieur de La Tyvollière celle que par luy il vous
3
aroit pleu nous envoyer avec l’advertissement que de votre
4
part il nous a donné, et bientost après la precedante
5
que nous escripviés par le courrier venant de la court. Lesquelles
6
incontinant n’avons failly mettre à execution, ayantz
7
soubdain faict fermer toutes les portes de la ville,
8
fors que deux, où nous avons mys bonnes et seures
9
gardes que nous y continuerons jour et nuict,
10
actandantz aultres commadementz de votre seigneurie ;
11
et y mettrons tout tel ordre, Dieu aydant, pour le
12
service du roy et votre execution de ses edictz
13
et conservacion du repoz public, que en pourrés
14
recepvoir le contantement et satisfaction tout tel
15
que désirés ; et daultant que par ce porteur vous
16
pourrés plus à plain en estre certioré et adverty,
17
ne vous ferons ceste plus longue, supliantz le Créateur,
18
Monseigneur, vous conserver et maintenir en prospérité et
19
santé, très heureuse et longue vie. De Romans ce XXXe
20
aoust 1572.
21
Voz plus humbles et obeyssantz serviteurs,
22
les consulz de la ville de Romans.
23
Busol vy secretaire